MANISPAA YA KIGOMA UJIJI YAUMBUKA‏

Na, Mwandishi Wetu, Kigoma.

IMEBAINIKA kuwa Halmashauri ya Manispaa Kigoma Ujiji  imetawaliwa na mchwa watafuna fedha za walipa kodi kwa maslahi yao binafsi.

Hayo yamebainishwa na Katibu Mwenezi wa NRA Taifa Hamisi Kiswaga wakati wa mkutano wa hadhara uliofanyika eneo la Buzebazeba katika Manispaa ya Kigoma ujiji ambapo halimashauli hiyo inashutumiwa  kwa ubadhilifu wa fedha bila kujali maendeleo ya wananchi waliowachagua kwa mujibu wa taarifa ya mkaguzi mkuu wa fedha Mkoani hapo.

“watumishi wengi wa serikali hawana uzalendo hali inayozidi kuchochea  kujilimbikizia fedha za watanzania walalahoi kwa kujinufaisha wenyewe ,hii kasumba ya kuchuma mali pasipo kumuogopa mungu itatufikisha motoni kifo kipo ogopeni kula mali za walipa kodi” alisema Kiswaga

Kwa upande wake Mkaguzi  Mkuu wa serikali  Patric  Mahande amekiri kuwepo kwa  udanganyifu wa taarifa ya mapato na mtumizi ya halmashauli hiyo haiendani na miradi inayotekelezwa hususani katika ujenzi wa dampo lililopo eneo la businde Katika manispaa hiyo.

Alisema kuwa  gharama za ujenzi huo upo chini ya kiwango ambapo hakilingani na kiasi cha Tsh. Million 15  fedha  ambazo zimetumika  kwa ajli ya ujenzi huo  haingii akilini kwa matumizi yaliyobainishwa katika mradi huo.

Katibu mwenezi wa NRA Rashid amedai kuwa  wananchi waache tabia ya kuchagua chama na badala yake wamchague  mtu anayefaa katika kuwatekelezea kero zao pamoja na kuwataka wananchi hao kulinda amani na mshikamano uliopo nchini.