WATANO MBARONI NA VYETI FEKI 90 VYA UUGUZI

Kamanda wa Polisi Mkoa wa Kigoma, Ferdinand Mtui

POLISI mkoani Kigoma imewatia mbaroni watu watano akiwemo askari mmoja wa Jeshi la Ulinzi la Wananchi wa Tanzania (JWTZ) kwa tuhuma za kutengeneza vyeti bandia vya kitaaluma, miongoni mwake vikiwemo 90 vya uuguzi, ambavyo vilikutwa vikisubiri kugawiwa kwa wahusika.
Kamanda wa Polisi Mkoa wa Kigoma, Ferdinand Mtui alisema kuwa pamoja na vyeti hivyo vya uuguzi vilivyokamatwa, pia katika operesheni hiyo walikamata vyeti 37 vya wataalamu wa maabara na vyeti tisa vya ufamasia.
Alisema kuwa katika operesheni hiyo iliyofanywa kwa pamoja na maofisa kutoka Baraza la Wafamasia nchini, walikamata jumla ya vyeti 936 vikiwa kwenye hatua ya ukamilishaji vikiwa bado havijaandikwa majina, miongoni mwake vikiwemo vyeti 667 vya wauguzi wasaidizi, vyeti 126 vya wataalam wa maabara, cheti kimoja cha mafunzo ya afya ya jamii na vyeti viwili vya utoaji huduma ya kwanza.
Katika kuhakikisha wanakuwa na uthibitisho wa tuhuma hizo, Kamanda Mtui alisema kuwa pia wamekamata mihuri 25 ya taasisi mbalimbali ikiwemo nyundo mbili, ambazo hutumika kutengenezea mihuri mbalimbali ya moto.
Aliwataja watu waliokamatwa katika operesheni hiyo ambayo inahusisha mtandao wa watu mbalimbali kuwa ni askari wa JWTZ, Mgeni Nyamubozi ambaye ni mume wa mmiliki wa Duka la Vifaa vya Ofisi la Upendo, lililopo Mwanga mjini Kigoma, ambalo linatuhumiwa kuhusika na utengenezaji wa vyeti hivyo.
Katika duka hilo, Kamanda huyo wa polisi alisema polisi walikamata kompyuta mpakato moja, ikiwa na nakala za vyeti mbalimbali za vyuo na idara za serikali.
Mwingine aliyekamatwa ni Dickson Mshahili, muuguzi katika Hospitali ya Mkoa Kigoma ambaye katika upekuzi nyumbani kwake, alikutwa na nyaraka mbalimbali ikiwemo madaftari 12 yakiwa na kumbukumbu za vyeti anavyotengeneza na mihuri ya waganga wakuu wa mikoa ya Kigoma, Kagera, Mwanza, Singida na Tabora.
Sambamba nao alikamatwa Zawadi James, muuguzi wa Kituo cha Afya Ujiji ambaye baada ya kupekuliwa nyumbani kwake, alikutwa na vyeti vitatu na kabuleta ya pikipiki ambayo hutumika kutengeneza mihuri ya moto.
Wengine waliokamatwa ni Johnson Nyabuzoka, mwanafunzi wa Shule ya Sekondari Mlole ya mjini Kigoma, ambaye ni mtaalam wa kompyuta aliyekuwa akitumika kufanya kazi hiyo; na Stephano Erasto ambaye alikamatwa katika siku yake ya kwanza tangu ajiunge na duka hilo kwa ajili ya kusaidia kazi.


CHANZO: GAZETI LA HABARI LEO

DC KAKONKO AKABIDHI MAGARI MAWILI YA WAGONJWA KITUO CHA AFYA MGAZA


Mkuu wa wilaya ya Kakonko Col. Hosea Maloda Ndagala akikabizi funguo za magari mawili ya kubebea wagonjwa  (hayapo pichani)kwa Mganga Mkuu wa kituo cha afya Mgaza Wilayani Kakonko Dkt Selemani Fadhiri. Wanaoshuhudia wapili kulia ni Mkurugenzi Mtendaji wa Wilaya ya KakonkoLusubilo Mwakabibi na kushoto ni Diwani wa Kiziguzigu, Renatus Daniel.
 Mkuu wa Wilaya akijaribu moja ya magari hayo.
 Mkuu wa Wilaya ya Kakonko, Col. Hosea Ndagala akiongea na  Madiwani. Watumishi wa Hospital wakati wa hafla ya kukabidhi magari ya wagonjwa katika kituo cha afya Mgaza Wilayani Kakonko
Mwenyekiti wa Halmashauri ya Kakonko akitoa shukrani wakati wa hafla ya kukabidhi magari hayo.
**********
Cosmas Makalla, Kakonko
MKUU wa Wilaya ya Kakonko Kanali Hosea Maloda Ndagala amekabidhi magari mawili mapya ya kubebea wagonjwa aina ya Toyota Land Cruiser Hard top Ambulance yenye thamani ya dola za kimarekani 18,000 kwa gari moja kwa vituo vya afya viwili Wilayani Kakonko hivi karibuni.

Kanali Hosea Ndagala ambaye alikuwa mgeni rasmi katika hafla iliyofanyika katika kituo cha afya Mganza amesisitiza magari hayo kutumika kubebea wagonjwa kama ilivyokusudiwa.

 “Naagiza magari haya ya wagonjwa yatumike vizuri kwa kubebea wagonjwa hasa wanawake wanaokwenda kujifungua na kutunzwa vizuri  ili baada ya miaka mitano ya mkopo yaonekane yakiwa katika hali nzuri. BOFYA HAPA KUSOMA ZAIDI.

TRENI YA EXPRESS KUELEKEA KIGOMA

 Mmoja wa abiria akipanda ndani ya Behewa Dar es Salaam jana akielekea Kigoma kwa kutumia usafiri wa haraka  (EXPRESS), ambaye alifahamika kwa jina la Fatuma Kininga, aliushukuru uongozi mzima wa Shirika la Reli Tanzania,   kwa maamuzi yao ya kuanzisha usafiri huo, ambapo ni mkombozi kwao, aliendelea kusema kubwa hasa linalo wasumbua ni upatikanaji wa Tiketi ni mgumu kiasi ambacho kina wagharimu sana,  alisema, anawaomba wanao tumia usafiri huo kuwaomba kuzidi kutunza mazingira bila shuruti kwa kushirikiana na wafanya kazi kuona ni mali yake, kuto kanyaga viti, kula vitu na kutupa ndani ya mabehewa hayo, kuweka sheria kali na kuendelea kupewa elimu kila mara kwa abiria wanao tumia usafiri huo na kila mmoja kuwelimisha mwenzake na kuwa mlinzi kwa mwenzake, hayo aliyasema jana wakati alipokuwa ndani ya behewa Dar es Salaama jana. (PICHA ZOTE NA KAHMISI MUSSA)    
 Abiria wakiwa ndani ya Behewa tayari kuelekea Bara

NAIBU WAZIRI WA MALIASILI NA UTALII,MHANDISI RAMO MAKANI AFANYA KIKAO NA VIONGOZI WA HIFADHI YA TAIFA YA KISIWA CHA RUBONDO.

Naibu Waziri wa Maliasilili na Utalii,Mhandisi Ramo Makani ,akiviishwa vazi maalum (Boya) ambalo hutumika kujiokoa wakati uafiri wa maji unatumika.
Naibu Waziri wa Maliasili na Utalii ,Mhandisi Ramo Makani akiingia kwenye Boti kwa ajili ya kutembelea vivutio mbalimbali vya Utalii katika Hifadhi ya Taifa ya Rubondo.
Mhifadhi Mkuu wa Hifadhi ya Taifa ya Kisiwa cha Rubondo,Misana Mwishawa akimueleza jambo Naibu Waziri wa Maliasili na Utalii,Mhandisi Ramo Makani wakati akitembelea vivutio mbalimbali vya utalii katika hifadhi hiyo.
Mamba ni moja ya vivutio katika Hifadhi ya Taifa ya Rubondo ambayo Naibu Waziri wa Maliasili na Utalii,Mhandisi Ramo Makani alivutiwa kuwatizama.
Naibu Waziri wa Maliasili na Utalii,Mhandisi Ramo Makani akitizama vivutio mbalimbali wakati akizunguka na boti maalumu katika visiwa vilivyoko Hifadhi ya Taifa ya Kisiwa cha Rubondo.
Mhifadhi Mkuu wa Hifadhi ya Taifa ya Kisiwa cha Rubondo,Missana Mwishawa akimuonesha Naibu Waziri wa Maliasili na Utalii,Mhandisi Ramo Makani eneo ambalo ni makazi na mazalia ya ndege katika moja ya visiwa vilivyoko katika Hifadhi ya Taifa ya Kisiwa cha Rubondo.
Mkuu wa wilaya ya Geita,Herman Kapufi alikuwa ni mmoja wa viongozi walioongozana na Naibu Waziri wa Maliasili na Utalii Mhandisi Ramo Makani kazika ziara hiyo.
Naibu Waziri wa Maliasili na Utalii,Mhandisi Ramo Makani akizunbgumza jambo mara baada ya kupata maelezo mbalimbali kutoka kwa Mhifadhi Mkuu wa Hifadhi ya Taifa ya Kisiwa cha Rubondo,Misana Mwishawa
Naibu Waziri wa Maliasili na Utalii,Mhandisi Ramo Makani akitia saini katika kitabu cha wageni baada ya kuwasili katika hoteli ya Asilia Lodge iliyopo ndani ya Hifadhi ya Taifa ya Kisiwa cha Rubondo.
Mkurugenzi wa Utalii na Masoko wa Shirika la Hifadhi za Taifa (TANAPA) Ibrahim Musa akizungumza wakati wa kikao kifupi cha Naibu Waziri wa Utalii na Maliasili ,Mhandisi Ramo Makani na viongozi wa Hifadhi ya Taifa ya Kisiwa cha Rubondo.
Mbunge wa Jimbo la Geita Vijijini,Joseph Kasheku (Msukuma) akizungumza wakati wa kikao hicho.
Mkuu wa wilaya ya Geita,Herman Kapufi akizungumza katika kikao hicho.
Naibu Waziri wa Maliasili na Utalii ,Mhandisi Ramo Makani akizungumza na viongozi wa serikali ikiwemo kamati ya ulinzi na usalama ya mkoa wa Geita pamoja na viongozi wa Hifadhi ya Taifa ya Kisiwa cha Rubondo alipokutana nao katika Hoteli ya Asilia Lodge.
Naibu Waziri wa Maliasili na Utalii,Mhandisi Ramo Makani akizungumza na mmoja wa wageni katika Hoteli ya Asilia Lodge iliyopo katika Hifadhi ya Taifa ya Kisiwa cha Rubondo.
Ugeni wa Naibu Waziri wa Maliasili na Utalii,Mhandisi Ramo Makani ukipunga mikono kuaga wenyeji wao katika Hoteli ya Asilia Lodge ndani ya Hifadhi ya Taifa ya Kisiwa cha Rubondo.

DC KAKONKO AONYA WANUNUZI WA PAMBA KUCHEZEA MIZANI

 
Mkuu wa Wilaya ya Kakonko, Mkoani Kigoma, Kanali Hosea Ndagala ( watatu kushoto) akimsikiliza Wakaa wa Vipimo Wilayani humo, Laurent Kabikiye (aliyeshikilia mzani) wakati wa uhakiki wa mizani hiyo.
 
MKUU wa Wilaya ya Kakonko Mkoani Kigoma, Kanali Hosea Ndagala (mwenye koti kushoto) amewaonya wanunuzi wa Pamba Wiayani humo kuchezea mizani wanazopia zao hilo wakati wa ununuzi kwa wakulima kwa lengo a kuwapunja wakulima na kujinufaisha zaidi. Source:Father Kidevu Blog

Kanali Ndagala aliyasema hayo leo wakati akizindua msimu mpya wa ununuzi wa Pamba aioufanya katika Kijiji cha Kanyonza na kusema kuwa wafanya biashara wahakikishe kuwa mizani wanayotumia haijachezewa kwa namna yeyote na iwe imefanyiwa ukaguzi na wakala wa vipimo.

“Leo tunazindua ununuzi wa wa zao la Pamba katika maeneo yetu, lakini nitoe angalizo kwa wanunuzi kuhusiana na mizani mtakayoitumia kununulia Pamba isiwe imechezewa na kuwapunja wakulima,”alisema Kanali Ndagala.

Aidha Kanali Ndagala aliwatahadharisha wakulima kuhakikisha pamba wanayoileta sokoni ni Pamba safi na siyo iliyo wekwa maji au vitu vingine vyotote kama mchanga kwa lengo la kuongeza uzito na kujipatia manufaa.

Kanali Ndagala alisema kitendo cha kuweka maji au vitu vingine katika Pamba ni kuharibu bidhaa hiyo na kuharibu soko kwa ujumla la zao a pambamba na kutawafanya wanunuzi kusitisha ununuzi huo katika maeneo yao.

WANAHABARI WATEMBELEA HIFADHI YA TAIFA YA GOMBE.

Baadhi ya wanahabari wakiwa katika Boti wakielekea Hifadhi ya Taifa ya Gombe,hifadhi maarufu kwa kuwa na mnyama aina ya Sokwe mtu.
Watalii wakielekea Hifadhi ya Taifa ya Gombe .
Eneo mojawapo linalotumiwa na wavuvi katika mwambao mwa ziwa Tanganyika jirani na Hifadhi ya taifa ya Gombe.
Baadhi ya wanahabari muda mfupi baada ya kufika hifadhi ya taifa ya Gombe.
Meneja Mawasiliano wa Shirika la Hifadhi za Taifa,(TANAPA) ,Pascal Shelutete akiwatamburisha wanahabari kutoka vyombo mbalimbali vya habari nchini  walipotembelea hifadhi ya taifa ya Gombe.
Kaimu Mhifadhi katika Hifadhi ya Taifa ya Gombe,Goodluck Tarimo akizungumza na wanahabari waliotembelea hifadhi hiyo.
Baadhi ya Wahifadhi waongoza wataalii katika Hifadhi ya taifa ya Gombe.
Daktari wa Mifugo katika Hifdhi ya Taifa ya Gombe,Dkt Jane Raphael akizngumza mbele ya wanahabari (hawapo pichani) kabla ya kuaza safari ya kutembelea hifadhi hiyo.
Mhifadhi Hussein 
Mhifadhi Isaya Mkude akitoa maelezo kwa wanahabari wakati wa kuanza safari ya kwenda kuwatizama Sokwe.
Safari ya kwenda kuwatizama Sokwe ikaanza.
Maeneo mengine Mhifadhi Isaya Mkude aalikua akitoa ufafanuzi wa mambo mbalimbali na majibu ya maswali yaliyoulizwa na wanahabari.
Nyani ni miongoni mwa wanyama wanaoonekana kwa urahisi katika Hifadhi ya Taifa ya Gombe.
Safari ya kuwatafuta Sokwe ili kua ni ya vipando pia.
Wakati mwingine wanahabari walilazimika kupumzika kwa ajili ya kupata pumzi mpya ya kuendelea na safari 
 Baadhi ya Sokwe mtu walioonekana kwa mbaali sana wakiwa katika miti.
Hatimaye safari ya kurudi katika makazi ikaanza kwa kupita katika fukwe ya ziwa Tanganyika inayopakana na hifadhi ya taifa ya Gombe. 

Na Dixon Busagaga wa Michzui Blog.
 
Supported by Tone Multimedia Company Limited
Copyright © 2012. Kigoma Yetu - All Rights Reserved
Designed by Fredy Tony Njeje
Proudly powered by Blogs za Mikoa